Plantun de Prouvènço

Pèr coumpara dos planto d'encò nostre

Racomitrium canescens & Scleranthus annuus

Racomitrium canescens

Grimmiaceae

Nom en français : Frangine blanchâtre.

Descripcioun :
Aquelo mousso de taio mejano (3 à 6 cm) trachis en tepiero denso blanquinouso, de cop que i'a proun estendudo, sus de sòu souvènt sablous e li gravo dins li relarg "dubert". Se recounèis à si fueio di bord blanc e acabado emé uno grosso pouncho papihouso (frangiho-blanquinouso), à sa rufo dins uno gorgo doursalo e à sis alo (vèire li fotò). Fai raramen d'espouroufite.

Usanço :
Es toujour poussible de s'engana emé d'àutri Potiales majamen dóu gènre Racomitrium.

Port : Acroucarpo
Taio : 3 à 6 cm
Fueio : 1,3 à 2,8 mm
Tipe bioulougico :
Cicle bioulougico : Planto renadivo

Gènre : Racomitrium
Famiho : Grimmiaceae

Ordre : Grimmiales

Coulour de la flour :
Petalo : 0,9 à 2 cm
Ø (o loungour) flour : Long, dènt divisado e finoØ (o loungour) enflourejado : ?
Flourido : Printèms

Sòu : Si Ca
Autour basso e auto : 800 à 3000 m
Aparado : Noun
Mars à mai

Liò : Sablo - Gravo
Estànci : Mountagnard à Aupen
Couroulougi : Oulartico e Mountagnouso
Ref. sc. : Racomitrium canescens (Hedw.) Brid., 1819 (= Trichostomum canescens Hedw., 1801 = Niphotrichum canescens (Hedw.) Bednarek-Ochyra & Ochyra, 2003 )

Gnavello(-de-l'an)

Scleranthus annuus

Caryophyllaceae

Nom en français : Gnavelle annuelle.

Descripcioun :
Aquelo planto, proun ramificado, se tirasso sus la sablo e lis endré trepeja. Sus si tijo se podon vèire uno à dos bando de péu crespu. Li fueio soun redo e en long. Li flour, verdo, soun pas bèn grosso e fan d'enflourejado agroumelado. La subsp. presentado eici, emé de flour gaire duberto e que trachis dins li mitan primàri, ié dison polycarpos. Coumpara emé la gnavello-renadivo.

Usanço :
Fai partido dóu group (38 meno) de flour dicho "de Bach". Ramenten que lou mege, Dr Edward Bach (1886-1936), adoubè de poutingo de flour que dèvon "armounisa l'equilibre epsichique de la persouno". La gnavello permetrié de prendre de decisioun. En Poulougno, au siècle passa s'acampavo li babo de vermèu (Coccus Polonicus) que reston sus li racino pèr n'en faire un coulourant rouge.